Pahabol sa Summer

June na...pasukan na naman ng mga bata. Kasama rin dito ang mga matatandang gustong manatiling bata para walang problema sa pagraket ng pera! Yup, tapos na ang summer sa Pilipinas pero dito sa Saudi ay parang walang hangganan. Paano ba naman, napakatindi magpasikat ng araw at lagi pang overtime kung magpahinga. Ang init dito ay nasa forty hanggang forty-five degrees - puwede kang magprito ng itlog sa hood ng sasakyan mong nabilad lang ng ilang minuto. Ang sunset naman dito ay past seven na ng gabi kaya maliwanag pa rin na akala mo ay ala-singko pa rin ng hapon.

Read More >>>

Son of a Beach

Kapag ganitong summer ay likas na sa ating mga Pinoy ang mag-swimming. Dahil nga isang archipelago ang Pinas ay napapaligiran tayo ng mga anyong-tubig. Nakagawian na nating mag-outing para mapigilan ang pagpapawis ng ating mga singit dahil sa sobrang init!

Noong totoy pa ako ay paborito ko ang buwan ng March. Bukod sa bakasyon na ay celebration din ng birthday ng pinsan kong si Bambie tuwing akinse. Bilang regalo sa kanya ng kanyang daddy ay nagpupunta kami sa RIKITOY BEACH sa Cavite. Isipin niyo nalang kung gaano kaganda doon sa pangalan pa lang! Kahit na ilang beses na kaming na-dikya at nakakita ng mga lumulutang na tae ay masaya kaming bumabalik-balik doon. Nagsisilbing family reunion namin iyon sa mother's side tuwing summer. Ang sarap ng experience na iyon dahil sagana sa hotdog barbecue, ang daming pagkain, at hindi sila nauubusan ng alak (pero 'di pa ako tomador that time). Natapos lang ang trip na ganoon nang medyo na-realize na namin na contaminated na ang tubig at makati na sa balat. Siyempre, nag-dalaga na si insan kaya hindi na cool sa kanya ang celebration na ganun.

Read More >>>

Yamang-Dagat

Noong nasa elementary pa tayo ay itinuro sa atin ng mga teachers natin ang mga "yamang-lupa" at "yamang-dagat". Yup, alam natin ang isasagot natin kung anu-ano ang mga iyon. Pero 'di ko masyadong pinapansin ang mga iyon dahil nabibili naman sila sa palengke.

Dito ko lang na-appreciate sa Saudi ang mga yamang-dagat. Manila boy ako kaya't 'di ko alam ang mangisda at manghuli ng anumang makakain mula sa mga anyong-tubig. Bobito ako sa mga ganitong bagay. Kaya naman natutuwa ako kapag pumupunta ang tropa dito sa dagat.

Nakalangoy ka na ba sa dagat ng basura? Ungas, wala niyan dito.

Eh sa RED SEA? Akala ko dati ay kulay pula talaga ito pero blue naman pala sa totoo. 'Di ko pa natatanong kay pareng WIKI kung bakit ganun ang pangalan ng dagat na iyon. Napakayaman nito sa isda, pugita, at alimasag. Kaya nga naaaliw ang mga Pinoy dito na dayuhin ang mga lugar na puwedeng panghulihan. Biruin mo naman, ilang oras lang ay makakapuno ka na ng mga timba na pagsasaluhan niyo pagkatapos!

Ano pa hinihintay mo? Langoy na papunta dito.