Isa sa mga kabilin-bilinan ko sa misis ko(five months preggy at that time) bago ako pumunta dito sa Saudi ay iparinig niya ang collection ko ng mga cd's kahit na nasa womb pa lang ang Wonder Twins.Napanood ko kasi dati sa Discovery Channel na naririnig ng mga babies ang outside world kahit na nasa tiyan pa lang sila ng mga mommies. At kung ano 'yung narinig nila during fetal development ay nagkakaroon ng effect sa personality nila paglabas nila sa mundo. Kaya nga sabi ko sa misis ko ay iparinig niya lahat ng albums ng Eheads, Slapshock, Nirvana, Smashing Pumpkins, at banda naming Demo From Mars para certified rakista na sila kaagad! Pangarap ko rin kasi na ma-appreciate nila ang mga genre ng music na nakahiligan ko habang nagkakamuwang na sila sa tugtugan. Para saan pa ang gitara ko at mga albums na kinolekta kung makikinig lang sila sa kanta ni Manny Pacquiao at Willie Revillame? Pangarap ko ring magkaroon sila Les Paul at Lei Xander ng banda kasama ang mga anak nila Geline, Joe, insan Badds, at utol Pot na mga kabanda ko noong kabataan namin. Pero hindi ko pinangarap na maging rockstars sila paglaki ha. Fifth choice lang ito kasama ang pag-aartista. Mas gusto ko pa rin silang maging doktor, architect, ambassador, o engineer.
