Oo, idol ko si Willie at walang pakialamanan dahil blog ko ito!! Kaya kung member ka ng FB group na bumabatikos sa kanya at nangangalap ng signatures para i-petition siyang tanggalin sa ABS-CBN, hindi ito ang entry na dapat mong mabasa. Sa gitna ng lahat ng pang-aalipusta, bibigyan ko siya ng malufet na tribute.
Sa lahat ng mga makikitid ang utak, hindi si Willie ang dahilan ng pagkatalo ni Money Villar. Ang idol ko ang isa sa mga pinakamagagaling na endorsers ng ating panahon. Marami siyang tatanga-tangang followers na naniniwala sa charismang pinapakita niya sa sambayanan through live teevee. Kaya kahit na siguro maalat ang sukang ibebenta ay bibilhin ng masa dahil sa kanya. Natalo si Villar dahil kay Sarah Geronimo – noong nakodakan siya na ginawang “L” ang “V” hand sign habang naka t-shirt pa ng yellow! Atska kasalanan din ni Villar ang pagkatalo niya dahil binaboy niya ang kanta ng Parokya ni Edgar. At sino ba naman ang gustong maligo sa dagat ng basura? Like, eeew.
