isa sa mga peyborit kong litrato namin ni papa
"Paglaki ko, gagayahin ko'ng tatay ko..."
Kung isa kang Batang Nineties, malamang ay alam mo kung saan ko kinuha ang aking opening line. Galing ito sa isang government infomercial on reckless driving. Dalawang bata ang naglalaro ng kotse-kotsehan at 'yan ang dialogue na ibinibida ng isa. Tapos may darating na isa pang bubwit at magsasabi ng "('di ko na matandaan ang pangalan ng bata), tatay mo nabangga!". Pero taliwas sa nangyari sa tatay ng bata sa commercial ay hindi kailanman nabangga si erpats sa pagmamaneho. Kahit na nakainom siya at parang roller coaster ang takbo ng sasakyan ay never siyang sumalpok sa kung ano mang bagay sa dinadaanan niya.
